【東方日報專訊】自周秀娜掀起性感水着寫真熱潮後，今年推出寫真的一眾o靚模亦各出奇謀搶灘！去年寫真銷量衝破二萬本的尹蓁晞（Yumi），今年告別水着改以科幻cosplay造型迎戰，力谷五吋事業線硬撼周秀娜3D洞房之餘，更會附送香艷絲襪！至於人氣o靚模Donut則以沙灘飛bra奇招出位，更揚言有走光危機，寫真混戰愈演愈熱！
去年與師妹陳若嵐孖住出寫真的尹蓁晞，今年除單拖出戰o靚模寫真混戰外，更會告別水着，改以科幻cosplay造型迎戰。擁有天使面孔配搭33C、23及34魔鬼身材的Yumi，在寫真中將大玩制服誘惑，分別以論盡女僕、露腰女軍人、性感貓女、粉紅俏護士、前衞女太空人等多個不同造型上陣，全部「戰衣」以貼身膠質物料訂製，務求將葫蘆線條盡現宅男眼前，以此力撼周秀娜的「3D洞房」寫真。
臨急買乳貼
Yumi日前先後以女僕及女軍人造型拍攝寫真，擁有33C驕人上圍的她，力谷五吋噴血事業線、及大騷廿三吋纖腰及42吋長腿，極盡誘惑！由於今年公司只得Yumi推出寫真，故除了師姐戴夢夢探班外，據知連老闆林建名(相關)亦有到現場打氣。
在眾多造型中，Yumi坦言最愛閃紫色女僕look，不過她透露女僕造型其實令她大感頭痛：「因為件衫係膠造嘅關係，胸口個位成日向下跣，搞到我影一陣又要匿入廁所掹番件衫防走光，最後我終於投降叫助手飛的幫我買乳貼。」
新鮮感贏晒
除了打造科幻戰衣外，為求突圍，Yumi在寫真集宣傳活動上更會大派貼身絲襪，務求刺激宅男們視覺、觸覺及味覺三大感官。Yumi表示：「我打算將啲cosplay隨身物送出嚟畀fans留念。（係咪連着過嘅貼身絲襪都會送？）哈哈，唔話你知！」Yumi言談間又暗寸玩水着過時兼無新意：「呢啲我舊年都影過，今年再影太悶！cosplay喺日本興咗咁耐，香港又冇乜人用過呢個做寫真主題，淨係新鮮感都贏幾條街啦！」
新聞來源：http://www2.news.sina.com.hk/cgi-bin/nw/show.cgi/15/1/1/1537821/1.html（新浪網）
