【太陽報專訊】新一場o靚模寫真戰如箭在弦，「警鐘胸」Jessica C.全裸力戰邀宅男「洞房」的周秀娜，除做Spa磨皮扮靚靚外，更出口術自爆愛與男友鴛鴦浴，令宅男心癢癢！
今年的o靚模寫真集尺度愈鬥愈激，去年憑34C「警鐘胸」上位的Jessica C.（JC），在首本寫真中徹底解放，涼浸浸全裸出擊，雖然她未有言明頭號對手是周秀娜 （Chrissie），但眼見對方走勢凌厲，以「3D洞房」寫真引宅男「動L」，她亦不惜公開與男友的閨房樂，一於大灑鹽花掀起話題！
經常與巴西籍男友Sergio出雙入對的JC，當眾啜仔只屬等閒，為了力谷全裸寫真，她日前到美容院磨皮做Spa，又出口術公開「御仔術」！她自覺一雙電眼最冧仔，更揚言對付男人要欲拒還迎，說話相當露骨：「我覺得最吸引嘅女人，要畀男人覺得有挑戰性，如果女人若即若離，男人就會覺得好有挑戰性，欲拒還迎係最令人難以捉摸！」愈講愈激的她，更公開與男友的閨房樂，自爆平日最愛玩鴛鴦浴：「我哋一齊已經2年，我覺得一齊浸浴係一件好浪漫嘅事，大家坐喺度，可以好輕鬆咁傾吓偈，感覺好好，而且仲有一樣好處，就係貪方便！」
Chrissie整低褲頭
至於日前率師妹打水戰的Chrissie，昨日「升呢」為在尖沙咀中心及帝國中心舉行的《球迷版另類花生騷》擔任評判，預告在寫真中以超激甫士令宅男「動L」的她再出招，摺低褲頭自製「低腰褲」，但她事後否認「出術」，並說：「唔關事，係條褲太鬆啫！（有冇甩褲？）咁又冇。」問到剛過去的生日，男友Avis送了甚麼禮物，她說：「同佢食飯，我好鍾意C字頭手袋，男友都知，仲搵空姐朋友喺世界各地搵，但都搵唔到，依家佢未送畀我，但我就買咗個H字頭嘅手袋，男友話當佢送，但佢仲未畀番錢我喎！」
新聞來源：http://ent.sina.com.hk/cgi-bin/nw/show.cgi/2/3/1/462834/1.html（新浪網 ）
